ஒரே நேரத்தில் இரண்டு பட்டங்களுக்கு யு.ஜி.சி. ஆய்வு!

8/8/2019 3:53:52 PM

ஒரே நேரத்தில் இரண்டு பட்டங்களுக்கு யு.ஜி.சி. ஆய்வு!

நன்றி குங்குமச்சிமிழ் கல்வி - வேலை வழிகாட்டி

ஒரே நேரத்தில் ஒரே பல்கலை அல்லது வெவ்வேறு பல்கலைகளில் இரண்டு பட்டப் படிப்புகளை படிக்க அனுமதிப்பது தொடர்பாக யு.ஜி.சி. எனப்படும் பல்கலை மானியக்குழு சார்பில் 2012-ல் ஒரு ஆய்வுக்குழு அமைக்கப்பட்டது. ஆலோசனை ஐதராபாத் பல்கலை துணைவேந்தராக இருந்த பர்ஹான் குமர் தலைமையிலான அந்தக் குழு பல்வேறு தரப்பினருடன் ஆலோசனை நடத்தியது.

‘ஒரு பல்கலையில் முழுநேரமாக பட்டப்படிப்பு படிக்கும் மாணவர் அதே பல்கலை அல்லது வேறொரு பல்கலையில், தொலைநிலை மூலம் மற்றொரு பட்டப்படிப்பு படிக்க அனுமதிக்கலாம்’ என அந்தக் குழு ஆலோசனை வழங்கியது. இது தொடர்பாக, பல்வேறு தரப்பினரிடம் கருத்து கேட்கப்பட்டது. ஆனால், இந்தத் திட்டம் செயல்பாட்டுக்கு வரவில்லை. இந்நிலையில் தற்போது புதிய குழு அமைக்கப்பட்டுள்ளது. யு.ஜி.சி. துணைத் தலைவர் பூஷண் பட்வர்தன் தலைமையிலான இந்தக் குழு கடந்த மாதம் அமைக்கப்பட்டது. இதன் முதல் கூட்டமும் நடந்துள்ளது.

இது குறித்து, யு.ஜி.சி. அதிகாரிகள் கூறும்போது ‘‘தற்போது தொழில்நுட்பம் பெரும் வளர்ச்சி அடைந்துள்ளது. மாணவர் விருப்பம் தொலைநிலை அல்லது பகுதிநேரமாக ஒரு பல்கலையில் பட்டப்படிப்பு படிக்கும் மாணவர், அதே பல்கலை அல்லது மற்றொரு பல்கலையில் மற்றொரு பட்டப்படிப்பைப் படிப்பதற்கு அனுமதி அளிப்பது குறித்து இந்தக் குழு ஆய்வு செய்கிறது. வழக்கமான பட்டப்படிப்புடன் சிறப்பு அல்லது தனித்திறன் பட்டப்படிப்பையும் படிக்க, மாணவர்கள் விரும்புகின்றனர். அதனால், இதுகுறித்து ஆய்வு செய்யப்படுகிறது’’ என அவர்கள் தெரிவித்துள்ளனர்.

X