படிக்க வேண்டிய புத்தகம் - கட்டற்ற மென்பொருள் தமிழில் ம.ஸ்ரீ.ராமதாஸ்

12/20/2018 3:45:50 PM

படிக்க வேண்டிய புத்தகம் - கட்டற்ற மென்பொருள் தமிழில் ம.ஸ்ரீ.ராமதாஸ்

நன்றி குங்குமச்சிமிழ் கல்வி - வேலை வழிகாட்டி

கணினி மற்றும் அதன் உட்கூறுகள் பற்றி விரிவாக அலசும் புத்தகங்கள் தமிழில் குறைவு. இக்காரணத்தை மனதில் கொண்டு, மென்பொருள்கள் என்றால் என்ன? இயங்குதளங்களின் வகைகள், தொழில்துறை வளர்ச்சியில் அதன் பங்களிப்பு என மென்பொருட்கள் பற்றி விரிவாக அலசுகிறது இந்நூல். அதோடு மாற்று இயங்குதளங்களின் தேவையும், லினக்ஸ், குனு போன்ற இயங்குதளங்களின் தோற்றம், கட்டற்ற மென்பொருட்கள் என்றால் என்ன, சமூக முன்னேற்றத்தில் அதன் பங்களிப்பு என மென்பொருட்கள் பற்றி விவரமாகத் தமிழ்வழிக் கற்கும் மாணவர்களுக்கு உதவும் விதமாக உள்ளது.

கணினித் துறையில் புரட்சி செய்த குனு திட்டம் மற்றும் மென்பொருள் உபயோகத்திற்கான சுதந்திர விதிகளை உருவாக்கிய ரிச்சர்ட் எம்.ஸ்டால்மன் ஆங்கிலத்தில் எழுதியதை  அனைவருக்கும் புரியும் வகையில் எளிய தமிழில் மொழிபெயர்த்திருக்கிறார் இந்நூலின் ஆசிரியர் ம..ராமதாஸ். (வெளியீடு: எஸென்ஷியல் பப்ளிகேஷன்ஸ், 167 ஏ, போலீஸ் கந்தசாமி வீதி, இராமநாதபுரம், கோயம்புத்தூர்- 641 045. விலை: ரூ.95. தொடர்புக்கு: 0422-2323228)

X