அரசுப் பள்ளியில் வான் அறிவியல் ஆய்வுக்கூடம்!

1/10/2019 2:37:45 PM

அரசுப் பள்ளியில் வான் அறிவியல் ஆய்வுக்கூடம்!

நன்றி குங்குமச் சிமிழ் கல்வி-வேலை வழிகாட்டி

இந்தியாவில் முதல் முறையாக தமிழகத்தில் உள்ள அரசுப் பள்ளியில் தொடங்கப்பட்டுள்ள வான் அறிவியல் ஆய்வகம் மாணவர்களிடையே பெரும் வரவேற்பை பெற்றுள்ளது. அரசுப் பள்ளி மாணவர்களின் அறிவுப் பசியை தூண்டும் வகையில், சேலம் மாவட்டம் புதுப்பாளையம் ஊராட்சி ஒன்றிய நடுநிலைப் பள்ளியில் வான் அறிவியல் தொழில்நுட்பக் காட்சிக்கூடத்தை பயிற்சி மையத்துடன் அமைத்துள்ளது இஸ்ரோ. இந்த ஆய்வகம் கிராமப்புற மாணவர்களுக்கு வளமான எதிர்காலத்தை உருவாக்கும் என அரசுப் பள்ளி ஆசிரியர்கள் தெரிவிக்கின்றனர்.

இந்த ஆய்வகத்தில் இந்திய விண்வெளி ஆராய்ச்சித்துறை சாதனைகளைப் பற்றி விளக்கும் விதமாக பி.எஸ்.எல்.வி, ஜி.எஸ்.எல்.வி ராக்கெட்டுகளின் மாதிரிகள், விமானப்படை விமானங்களின் மாதிரிகள், நுண்ணோக்கிகள், தொலைநோக்கிகள் காட்சிப்படுத்தப்பட்டுள்ளன. இதனைப் பார்வையிடும் மாணவர்கள் வான் அறிவியலைப் பற்றி அறிந்துகொள்ள ஆர்வம் காட்டுகின்றனர். இஸ்ரோவில் மட்டுமே கிடைக்கக்கூடிய 43 வகையிலான தலைப்புகளில் புத்தகங்களும் ஆய்வுக்கூடத்தில் உள்ளன.

X