உதவித்தொகையுடன் பிரிட்டனில் படிக்கலாம்!

2/6/2020 4:44:28 PM

உதவித்தொகையுடன் பிரிட்டனில் படிக்கலாம்!

நன்றி குங்குமச்சிமிழ் கல்வி - வேலை வழிகாட்டி

வெளிநாடுகளுக்குச் சென்று படிக்க விரும்பும் இந்திய மாணவர்கள் உதவித்தொகையுடன் பிரிட்டனில் படிக்க சிறந்த வாய்ப்பை ஏற்படுத்திக்கொடுக்கும் யு.கே.வின் பிரபல கிரேட் ஸ்காலர்ஷிப்-2020 திட்டத்தை பிரிட்டிஷ் கவுன்சில் அறிவித்துள்ளது.

உதவித்தொகைத் திட்டம்

இந்த உதவித்தொகையைப் பெறுவதன் மூலம் யு.கே.வில் உள்ள சிறந்த கல்வி நிறுவனங்களில் இந்திய மாணவர்களால் உயர்கல்வியைப் பெற முடியும். கல்விநிறு வனங்களுக்கு ஏற்ப பல்வேறு துறைகளில் இந்த உயர்கல்வி வாய்ப்பைப் பெறலாம்.

பொதுவான தகுதிகள்

* இந்திய குடிமகனாக இருக்க வேண்டும். உரிய கால அவகாசமுள்ள இந்திய பாஸ்போர்ட் பெற்றிருப்பது அவசியம்.

* யு.கே.வில் முதுநிலைப் பட்டப் படிப்பை மேற்கொள்ள அதற்குரிய படிப்பு மற்றும் துறைக்கு ஏற்ப இளநிலைப் பட்டப் படிப்பைப் பெற்றிருக்க வேண்டும்.

* யு.கே. உயர்கல்வி நிறுவனங்கள் வரையறுத்துள்ள ஆங்கிலப் புலமையைப் பெற்றிருப்பது அவசியம். அதாவது, உரிய ஆங்கில மொழிப் புலமைப் பரிசோதனைத் தேர்வில் குறிப்பிட்ட மதிப்பெண் பெற்றிருக்க வேண்டும்.

* இந்த உதவித்தொகை திட்டத்தில் பங்குபெறும் கல்விநிறுவனங்களில் ஏதேனும் ஒன்றில் மாணவர் சேர்க்கையைப் பெற வேண்டும்.

குறிப்பு:

பங்குபெறும் கல்விநிறுவனங்களுக்கு ஏற்ப படிப்புகள், விண்ணப்பிக்கும் தேதிகள், உதவித்தொகைகள் (சுமார் 8 லட்சம் ரூபாய்) மாறுபடும்.

பங்குபெறும் கல்வி நிறுவனங்கள்:

* இம்பெரியல் காலேஜ் லண்டன்: யு.கே.வில் அறிவியல், மருத்துவம், எஞ்சினியரிங் மற்றும் வணிகம் ஆகிய படிப்புகளை வழங்கும் பிரதான கல்வி நிறுவனம். சர்வதேச அளவில் சிறந்த கல்வி நிறுவனங்களின் பட்டியலில் முதல் 10 இடங்களுக்குள் இக்கல்வி நிறுவனம் இடம்பெறுவது குறிப்பிடத்தக்கது. மேலும் விவரங்களுக்கு www.imperial.ac.uk என்ற இணையதளத்தைப் பார்க்கவும்.

ஆன்லைனில் விண்ணப்பிக்க கடைசி நாள் 6.3.2020.

X